Press Release dated March 19, 2011

 March 19, 2011

PRESS RELEASE

1. Higher Education Department budget indaih loh avanga kum tina College-a thawk ten hlawk lak chungchanga harsatna lian tak kan tawk thin hi hriatthiam har kan ti hle a. Hei hian College-a thawktuteah harsatna nasa tak a thlen a ni. Chuvangin Department sum indaih lohna hi a awm tawh lohna turin kan Sorkar hian H&TE Department budget hi tipung ngei se kan duh tak zet a ni.

2. Mizoram sorkar hnathawk dang zawng zawngin kum 2007-a ‘Pay Change’ hmanga hlawh sang zawk an lak tawh lai leh kum 2010 atanga Central 6th Pay anga hlawh sang an lak leh tawh laiin College zirtirtute chu tun thleng hian 5th Pay (1996) angin hlawh pek kan la ni a. He kan hlawh pangai pawh hi Department sum indaih lohna avangin rei tak kan la thei lo a ni. August 2010-a Mizoram Cabinet-in UGC 6th Pay a pawm tawh pawh tun thleng hian kan la hmang thei lo va. UGC 6th Pay anga hlawh thar leh Arrear kan lak ve theih hun chu nghakhlel takin kan thlir mek a ni. Kan hlawh thar leh arrear tur te daih ngei tur hian kan Sorkar chak tak hian Higher Education Budget hi tipung ngei turin MCTA chuan a beiseiin a ngen tak meuh a ni.

3. Hetih lai hian Mizoram hmun hrang hranga MCTA member ten dawh thei taka lo nghak hram hram turin kan inngen bawk e.


Mizoram College Teachers’ Association
Headquarters : Aizawl, Mizoram